Skip to content.
VIEW SITE IN English

Ngā wāhanga

Kia mana ai te whakamihi, te whakanui hoki a ngā Tohu i te pai mutunga kore o ngā whakatutukitanga mātauranga i Aotearoa, ka whā ngā wāhanga me tētahi tohu motuhake e whakamātautauria ai ngā tono whakauru. Mai i ngā toa o ia wāhanga ka tohua ko tētahi hei Tohu Nui. Ka tīkina atu ngā whakaritenga whakawā i Te Kete Raukura, e rongonuitia ana i te ao, me ngā rautaki mātauranga, tuhinga marautanga hoki i waihangatia i Aotearoa tonu hei tautoko.

Te Āhua O Ngā Tohu Mō NāIanei
kua tuwhera mō ngā tono whakauru
Me uru ināianei

He kupu whakamārama i ngā wāhanga o ngā Tohu

CAT awards Atahapara

TE HIRANGA O TE TUITUI TĀNGATA - TE TOHU ATAHĀPARA

E whakanui ana tēnei tohu i te mahi ohu a te hapori hei whakaumu i ngā āhuatanga whakawhanaunga, whakatutuki kaupapa hoki i runga i te kaha o ngā taurahere whai mātauranga mō ngā ākonga katoa, he huanga nui, mauroa hoki te mutunga iho.
CAT awards atakura

TE HIRANGA O TE ARATAKI - TE TOHU ATAKURA

E whakanui ana tēnei tohu i ngā tikanga whakaumu o te arataki me te whakaawe hei whāriki, hei tikanga whakapakari e kaha ai te whakaputa i ngā huanga nui, mauroa hoki mō ngā ākonga me ngā taiohi katoa.
CAT awards atatu

TE HIRANGA O TE AKO - TE TOHU ATATŪ

E whakanui ana tēnei tohu i te whakaako hei āhuatanga whakaumu i te ako o ngā ākonga katoa, he huanga nui, mauroa hoki mō te katoa te mutunga iho.
CAT awards awatea

Te Hiranga o te kaitiakitanga - te tohu awatea

E whakanui ana tēnei tohu i te tikanga whakaumu o te kaitiakitanga, hei hora takapau arataki, whakaako hoki, he huanga nui, mauroa hoki te whai mō ngā ākonga katoa.
CAT awards takatu

TE TAONGA MĀTURANGA - TE TAONGA TAKATŪ

Hei whakanui Te Taonga Mātauranga 2018 i ngā mahi papai e whai wāhi ai, e angitu ai hoki ngā tamariki me ngā taiohi katoa he matea ako atu anō ō rātou.
CAT awards takirikoteata

TE TOHU NUI A TE PIRIMIA - TAKIRI KO TE ATA

Ka puta mai tēnei tohu i ngā toa o ngā wāhanga Tohu e whā, māna e tohu mai te nui o te whai painga ki ngā hua mātauranga.

Ngā Tohu Me Ngā Mihi

Te whakamihi tono whakauru

Ka whakahokia atu e te paepae tohunga he kōrero ki ngā tono whakauru katoa.

Te whakamihi whiringa toa

Ka whiwhi tiwhikete, moni anō hoki ngā whiringa toa katoa hei tohu i ā rātou āwhinatanga ki te ao mātauranga.

Hei whakakite i ngā mahi papai a ngā whiringa toa, ka whakaahuatia ia rōpū e tētahi kamupene tuku kiriata. Ka whakaaturia ngā kiriata poto i te hui Tuku Tohu, i konei hoki.

Ngā Wāhanga o Ngā Tohu me te Tohu Motuhake

Ka whakawhiwhia ki ngā toa o ngā wāhanga e whā me te wāhanga motuhake ko tētahi kete, ko roto he taonga, he tiwhikete, he moni ($20,000), he āwhinatanga whakapiki ngaiotanga hoki.

Te Tohu Nui

Ka whakawhiwhia ki te toa o Te Tohu Nui a te Pirimia ko tētahi kete; he taonga o Te Tohu Nui, he tiwhikete, he moni anō ($30,000), he whiringa mōna hei kaikawe kaupapa mātauranga mō Aotearoa, kei roto.

Ko te aronga o Ngā Tohu he whakamihi, he whakanui i te hiranga o ngā whakatutukitanga whai mātauranga i Aotearoa.

Nā whai anō, ka whakamihia ko ngā tikanga kaha i kitea rā i ia tono whakauru, nā, tērā e whakaputaina atu ai ēnei kōrero hei tauira nō te angitu.

© 2017 Te Tāhuhu O Te Mātauranga

Close modal